Transfermarkt портали «Манчестер Сити» клубининг энг қиммат харидларидан иборат рамзий терма жамоани эълон қилди.
«Шаҳарликлар» қиммат харидларининг барчаси яқин ўтмишда амалга оширилган. «Манчестер Сити» ушбу таркиб учун умумий миқдорда 640,6 миллион евро сарфлаган ва ушбу футболчиларнинг деярли барчаси ҳозирда жамоанинг асосини ташкил қилади. Айни дамда мазкур таркибнинг нархи 636 миллион еврони ташкил қилади, «Манчестер Сити» таркибининг умумий нархи эса 1,02 миллиард еврога тенг.
Жамоанинг энг қиммат хариди Кевин де Брюйне бўлиб турибди. «Сити» бельгиялик футболчини 2005 йилда «Вольфсбург»дан 76 миллион еврога сотиб олганди.
Рамзий терма жамоа билан танишинг:
Дарвозабон: Эдерсон;
Ҳимоячилар: Бенжамен Менди, Эмерик Ляпорт, Жон Стоунз, Жоау Канселу;
Ярим ҳимоячилар: Родриго Эрнандес, Фернандиньо, Кевин де Брюйне;
Ҳужумчи: Раҳим Стерлинг, Риёд Маҳрез, Серхио Агуэро.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!