Футбол тарихида аввалига бир жамоа шарафини ҳимоя қилган, кейинчалик устоз-шогирдга айланган жуфтликлар кўплаб топилади. Блогер Khalid10 уларнинг айримларини тақдим этди.
Дидье Дешам (ҳозирда Франция терма жамоаси бош мураббийи) ва Алессандро дел Пьеро (ҳозирда Sky Sports шарловчиси) — Улар вақтида «Ювентус»да бирга тўп сурган. Кейинчалик Дешам туринликлар клубида дел Пьеронинг устозига айланганди Фото: Khalid10
Винченцо Монтелла (ишсиз) ва Даниэле де Росси (фаолиятини якунлаган) — Аввалига улар Рим клуби шарафини бирга ҳимоя қилган. Вақт ўтиб Монтелла «Рома» бош мураббийига айланган Фото: Khalid10
Винченцо Монтелла ва Тотти (ишсиз) — Монтелла Италия терма жамоасида ёш Тотти билан бирга тўп сурган. «Рома»да эса унинг устозига айланган Фото: Khalid10
Антонио Конте («Интер» бош мураббийи) ва Алессандо дел Пьеро — Улар дастлаб «Ювентус»да бирга тўп тепган. Кейин эса Алессандро Турин жамоасида Контенинг шогирдига айланган Фото: Khalid10
Антонио Конте ва Жанлуижи Буффон («Ювентус») — Италия терма жамоасида ҳаракат қилган Конте ва Буффон вақт ўтгач «Ювентус»да ҳам бирга фаолият юритганди Фото: Khalid10
Зинедин Зидан («Реал» бош мураббийи) ва Альваро Арбелоа («Реал» элчиси) — Бу иккиси вақтида «Реал»да бирга ўйнаган. Кейинроқ Зидан «Реал»да Арбелоага устозлик қилган Фото: Khalid10
Зинедин Зидан ва Серхио Рамос — Ҳозирда «Реал»нинг устози ва сардори бир вақтлар Мадрид клубида бирга тўп тепганди Фото: Khalid10
Карло Анчелотти («Эвертон» бош мураббийи) ва Паоло Мальдини («Милан» спорт директори) — Италия терма жамоаси жамоасида бирга тўп тепган Карло ва Паоло вақт ўтгач «Милан»да устоз-шогирдга айланганди Фото: Khalid10
Диэго Марадона («Химнасия» бош мураббийи) ва Мартин Палермо (ишсиз) — Улар «Бока Хуниорс»да бирга ўйнаган. Кейинчалик Марадона Аргентина терма жамоасида Палермонинг устозига айланган Фото: Khalid10
Диего Марадона ва Хуан Себастиан Верон — Марадона «Бока Хуниорс»даги яна бир шериги Веронни Аргентина терма жамоасига жалб қилганди Фото: Khalid10
Диэго Симеоне («Атлетико» бош мураббийи) ва Фернандо Торрес (фаолиятини якунлаган) — Улар бир вақтлар «Атлетико»да бирга тўп тепган. Вақт ўтгач Симеоне мадридликлар клубида Торреснинг устозига айланган Фото: Khalid10
Пеп Гвардилола («Манчестер Сити» бош мураббийи) ва Карлес Пуйоль («Барселона» вакили) — Бир вақтлар улар «Барселона»да бирга ҳаракат қилган ва кейинчалик устоз-шогирдга айланган Фото: Khalid10
Кларенс Зеедорф (ишсиз) ва Робиньо («Истанбул Башакшеҳир») — Улар «Милан»да биргаликда тўп сурган. Кейинроқ Зеедорф миланликлар бошқарувига келган ва Робиньога устоз бўлган Фото: Khalid10
Кларенс Зеедорф ва Кака (ФИФА элчиси) — Зеедорфнинг «Милан»даги яна бир шериги ва шогирди — Кака Фото: Khalid10
Пеп Гвардиола ва Хави («Ас-Садд» бош мураббийи) — «Барселона» афсоналари аввалига каталон клубида бирга тўп тепган, кейинчалик Пеп Хавининг устозига айланган Фото: Khalid10
Луис Энрике (Испания терма жамоаси бош мураббийи) ва Хави — Хави «Барселона»да яна бир собиқ шериги Луис Энрике қўл остида ҳам ўйнаган Фото: Khalid10
Луис Энрике ва Андрес Иньеста — Луис Энрикенинг «Барселона»даги яна бир собиқ шериги, Иньеста кейинчалик шогирга айланганди Фото: Khalid10
Луис Энрике ва Лионель Месси — Лео «Барселона»даги илк йилларида Энрике билан жамоадош бўлган. Вақт ўтгач улар устоз-шогирдга айланган Фото: Khalid10 1-қисм
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24 ’га обуна бўлинг!