Madridning “Real” jamoasi hujumchisi Krishtianu Ronaldu bir necha kun muqaddam Fransiyaning “PSJ” futbol klubi prezidenti Nasser al-Xelaifi bilan uchrashgani ma’lum bo‘ldi. Bu haqda “Uff.uz” xabar bermoqda.
Aytilishicha, 13-aprelda YeChL doirasida “Real” va “Volfsburg” o‘rtasida bo‘lib o‘tgan javob o‘yinidan so‘ng Ronaldu shaxsiy samolyotida Parijga qarab yo‘l olgan. U yerda hujumchini al-Xelaifining shaxsiy haydovchisi kutib olgan va Parijdagi mehmonxonalardan biriga olib borgan. Ronaldu ertalab Madridga qaytib ketgan va jamoa mashg‘ulotida ishtirok etgan.
“PSJ” rahbariyati bu masalada izoh berishdan bosh tortdi. Ammo matbuot parijliklar Ronalduni sotib olishi haqida yozmoqda. Jumladan, Ronaldu “PSJ”da Zlatan Ibrahimovichning o‘rinni bosishi aytilmoqda.
Izoh (0)