Futbol bo‘yicha Osiyo Chempionlar Ligasining “D” guruhida ishtirok etayotgan Qarshining “Nasaf” klubi 5-turda 1 ochko ishlab oldi. BAAning “Al-Ayn” klubiga qarshi 19-aprel kuni kechgan bellashuvda 1:1 hisobi qayd etildi.
Qarshi klubi safida asosiy tarkibning uch nafar futbolchisi — himoyachi Sherzod A’zamov, yarim himoyachi Erkin Boydullayev hamda hujumchi Ilhom Shomurodov jarohat sabab BAA klubiga qarshi o‘yinda maydonga tushmadi.
5-turdan keyin “Al-Ayn” 7 ochko bilan guruhda 2-o‘rinni egallab turgan bo‘lsa, “Nasaf” hisobida 5 ochko mavjud. Ro‘ziqul Berdiyev shogirdlari o‘z tarixida birinchi bor Chempionlar Ligasining pley-off bosqichiga chiqishni istasa, “Al-Ayn”ga qarshi safar o‘yinida zafar quchishi kerak bo‘ladi.
Biroq bu muvaffaqiyatning yagona kaliti emas — o‘zbekistonlik futbolchi Sardor Rashidov harakat qiladigan Qatarning “Al-Jaish” jamoasi Saudiyaning “Al-Ahli” klubiga iloji boricha kamroq ochko ulashishi kerak. Qayd etish kerak, “Al-Jaish”ning nimchorak finalga yo‘l olgani 4-turdan keyinoq ma’lum bo‘lib ulgurgandi.
Osiyo Chempionlar Ligasi 5-tur uchrashuvi 19-aprel, seshanba
“Nasaf” (O‘zbekiston) — “Al-Ayn” (BAA) 1:1
Gollar: Maqsud Karimov, 1 (1:0). Danilo Asprilya, 32 (2:0).“Nasaf”: Eldor Suyunov, Shuhrat Muhammadiyev, Ildar Mamatkazin, Maqsud Karimov, Saydullo Rahmatov, Artur Gevorkyan, Dilshod Rahmatullayev, Aziz G‘aniyev, Bahrom Abdurahimov, Azamat Allaniyazov (Sharof Muhitdinov, 73), Bobir Abdixoliqov.
“Al-Ayn”: Xolid Isa, Ismoil Ahmad, Felipe Bastos, Duglas, Umar Abdulrahmon, Diaki Ibrohim (Ahmad Barman, 62), Mohanad Salim, Muhammad Ahmad, Li Myong Ju, Muhammad Fayoz, Danilo Asprilya (Rashid Isa, 77).
Izoh (0)