O‘smir unga favqulodda xarajatlar uchun berilgan kredit kartadan Xbox pristavkasida FIFA o‘yini ichidagi xaridlarni amalga oshirishda foydalandi, deya xabar bermoqda “Hi-tech.mail.ru”. Ota-onasi hisobdan bir necha ming dollar yechib olinganini ko‘rganida, yigit kartadan faqat bir marta foydalanganini, pul sarflashda davom etayotganidan esa bexabar bo‘lganini aytdi.
Hodisa Kanadaning Ontario provinsiyasidagi Pembruk shahrida sodir bo‘ldi. Kredit karta hisobidan o‘yin ichidagi xaridlar uchun 8860 dollar yechib olingan.
Xbox pulni qaytarib bermadi va ota-onaning to‘lov hisobidan foydalanib amalga oshirilgan xaridlar Microsoft’ning foydalanuvchilar bilan tuzadigan kelishuviga ko‘ra, qonuniy tranzaksiyalar hisoblanishini ta’kidladi.
Eslatib o‘tamiz, avvalroq Angliyaning Susseks grafligida yetti yoshli bola Jurassic World o‘yinini o‘ynash uchun otasining iPad’ini olib, o‘yin ichidagi xaridlarga 4000 funt sterling (taxminan 6000 dollar) sarf qilgani, biroq Apple kompaniyasi vakillari mablag‘ni qaytarib bergani xabar qilingan edi.
Izoh (0)