Primorye safari bog‘ida do‘stlashib qolgan echki Timur va yo‘lbars Amur to‘p o‘ynashni o‘rgandi. Bu haqda “Segodnya.ua” xabar beradi.
“Amur va Timur to‘p o‘ynashni juda yoqtirib qoldi. Yo‘lbars to‘pni yirtib qo‘yganda ham o‘yin yakunlanmaydi. Timur to‘pni olib qo‘yib, uni tuyoqlari bilan dumalatishga urinmoqda. Hayvonlar kim to‘pni ko‘proq saqlab turish bo‘yicha musobaqa o‘tkazayotgandek tasavvur paydo bo‘ladi”, — deydi bog‘ direktori Dmitriy Mezensev.
“Amur va Timurning o‘yini uchun futbol to‘pini 11-yanvarga qadar har tong taqdim etamiz”, — dedi u.
Mezensovning so‘zlariga qaraganda, hayvonlarni tabriklash uchun 1-yanvar tongida Qorbobo va Qorqiz kelgan. Ular archaga olmalar ilib, daraxt ostiga to‘p, po‘kak va g‘uddalar qo‘ygan.
Eslatib o‘tamiz, 2-yanvar kuni Primorye safari-bog‘iga yo‘lbars Amur va echki Timurni ko‘rgani mingdan ziyod kishi kelganligi haqida ma’lum qilingan edi.
https://www.youtube.com/watch?v=W8UTH08AJlk
Izoh (0)