Saudiya Arabistoni Eron bilan aviaqatnov, ikki tomonlama savdo aloqalarini to‘xtatadi, fuqarolariga ushbu mamlakatga borishni man etadi. Shu bilan birga, eronliklar Makka va Madinani ziyorat etishiga hech qanday to‘sqinlik bo‘lmaydi. Bu haqda Saudiya Arabistoni tashqi ishlar vaziri Odil al-Jubayr ma’lum qildi, deya xabar beradi “RBK”.
Al-Jubayrning aytishicha, Eron “inqiloblar sodir etish o‘rniga o‘zini mas’uliyatli mamlakat sifatida tutishni o‘rganishi va xalqaro me’yorlarni hurmat qilishi” zarur. Shunday bo‘lgan taqdirdagina ikki tomonlama aloqalar tiklanishi mumkin.
Eslatib o‘tamiz, Saudiya Arabistoni, Sudan va Bahrayn Eron bilan diplomatik aloqalarni to‘xtatdi, Birlashgan arab amirliklari esa munosabatlarni elchidan ishonchli vakil darajasigacha pasaytirdi.
Izoh (0)