Osiyoning besh karra, O‘zbekistonning to‘qqiz karra eng yaxshi futbol hakami deb topilgan FIFA referisi Ravshan Ermatov 14-noyabr kuni Oliy sud vakillariga qarshi to‘p surdi. Bu haqda “Championat.asia” xabar bermoqda.
Xabar berishlaricha, futbol hakamlari va Oliy sud xodimlari o‘rtasida kichik futbol musobaqasi tashkil etilgan. Unda, Ermatovdan tashqari, Osiyoning 2012-yilgi eng yaxshi qanot hakami Abduhamidullo Rasulov, qit’aning futzal bo‘yicha eng yaxshi hakamlaridan biri Shuhrat Po‘latov ham qatnashgan.
Musobaqada “Championat.asia” loyihasi xodimlaridan iborat jamoa ham ishtirok etgan.
Izoh (0)