Rossiyaning “Kogalimavia” aviakompaniyasiga tegishli Airbus 321 layneri qulagan joyda yuzga yaqin odamning jasadi topildi. Bu haqda, Reuters’ga asoslanib, “Gazeta.ru” xabar bermoqda.
“Ko‘plab jasadlar yerda sochilib yotibdi, aksariyat yo‘lovchilar o‘tirgan joyida halok bo‘lgan”, — deydi Misr qutqaruv xizmati vakili.
Avvalroq, aviahalokat natijasida samolyot ikkiga bo‘linib ketgani, samolyot bo‘laklari ostidan omon qolgan yo‘lovchilarning ovozlari eshitilayotgani haqida xabar berilgan edi.
Avvalroq, “Kogalimavia” aviakompaniyasiga tegishli samolyot qulash oqibatida to‘liq vayron bo‘lgani haqida xabar berilgan edi. Samolyot bortida 224 kishi — 200 katta yoshli va 17 nafar bola, shuningdek, ekipajning 7 a’zosi bo‘lgan.
Eslatib o‘tamiz, layner 31-oktabr, shanba kuni Toshkent vaqti bilan 8:51 da Sharm-ash-Shayxdan Sankt-Peterburg tomon havoga ko‘tarilgan va oradan 23 daqiqa o‘tib radarlardan yo‘qolgan. Rossiya prezidenti Vladimir Putin esa halok bo‘lganlarning yaqinlariga hamdardlik bildirdi.
Izoh (0)