Gruziyaning Batumi shahrida o‘tkazilayotgan sovrin jamg‘armasi 25 ming AQSh dollari bo‘lgan tennis bo‘yicha turnirda O‘zbekistonning biryo‘la uch nafar vakili ishtirok etmoqda. Bu haqda “Olamsport.com” xabar berdi.
Ulardan ikki nafari — Nigina Abduraimova va Oqgul Omonmurodova chorak final yo‘llanmasini qo‘lga kiritdi. Sabina Sharipova ikkinchi davra bahsida rossiyalik Alena Tarasovaga imkoniyatni boy berib qo‘ydi.
Chorak final uchrashuvida Nigina gruziyalik Tinatin Kavlashvili, Oqgul esa ukrainalik Olga Yanchukka qarshi kortga chiqadi.
Izoh (0)