Ўзбекистонда ҳудудлар кесимида доимий аҳоли сони ҳақида маълумот берилди.
Статистика агентлиги маълумотларига кўра, Ўзбекистонда 2024 йил 1 апрель ҳолатига доимий аҳоли сони қарийб 37 миллион кишини ташкил этган. Ҳудудлар кесимида доимий аҳоли сони:
- Қорақалпоғистон Р. – 2 008,8 минг киши;
- Андижон вилояти – 3 409 минг киши;
- Бухоро вилояти – 2 050,6 минг киши;
- Жиззах вилояти – 1 514,5 минг киши;
- Қашқадарё вилояти – 3 577 минг киши;
- Навоий вилояти – 1 079,9 минг киши;
- Наманган вилояти – 3 079,9 минг киши;
- Самарқанд вилояти – 4 227,3 минг киши;
- Сурхондарё вилояти – 2 891,7 минг киши;
- Сирдарё вилояти – 917,9 минг киши;
- Тошкент вилояти – 3 066,0 минг киши;
- Фарғона вилояти – 4 079,5 минг киши;
- Хоразм вилояти – 2 002,8 минг киши;
- Тошкент шаҳри – 3 058,4 минг киши.
2024 йилнинг 1 апрель ҳолатига доимий аҳоли таркибидаги эркаклар сони аёллар сонидан 254 080 нафарга кўп.
Республиканинг доимий аҳолиси сони ўтган йилнинг мос даври билан солиштирилганда 2,1 фоизга ошган. Мамлакат аҳолиси 2024 йил бошидан буён 163,5 минг кишига кўпайган.
Ўзбекистон аҳолиси 2024 йилнинг ҳар бир ойида ўртача 54,5 минг кишига ошган. 2024 йилнинг ҳар бир кунида доимий аҳоли сони ўртача 1,8 минг кишига кўпаймоқда.
Ўзбекистонда доимий аҳоли сони 2022 йил декабрда 36 миллиондан ошган эди. 2024 йилнинг февралига кўра, республиканинг доимий аҳолиси сони ўтган йилнинг мос даври билан солиштирилганда 2,2 фоизга ошган бўлиб, уларнинг 56,3 фоизи меҳнатга лаёқатли ёшдаги фуқаролар ҳисобланади. 1 январь ҳолатига кўра доимий аҳоли таркибидаги эркаклар сони аёллар сонидан 250 266 нафарга кўп.
Жаҳон банки маълумотларига кўра, 2020 йилда Марказий Осиёда ўртача умр кўриш давомийлиги 71,8 ёшни ташкил этган, бу Осиё бўйича 2,4 йилга (74,2 ёш) ҳамда жаҳондаги ўртача умр давомийлигидан 7,9 йилга (79,7 ёш) кам.
Изоҳ (0)