Саудия Арабистони чемпионатининг 26-туридан ўрин олган навбатдаги учрашув сешанба, 2 апрель куни бўлиб ўтди. Унда “Ан-Насср” сафарда “Абҳа” меҳмони бўлди.
Учрашувнинг 11-дақиқасида Криштиану Роналду жарима зарбасидан гол уриб, ҳисобни очди.
Орадан 10 дақиқа ўтиб, португалиялик футболчи яна бир бор жарима зарбасини голга айлантирди.
33-дақиқада Садио Мане Ар-Риёд клубининг учинчи голига муаллифлик қилди. 42-дақиқада Роналду ҳет-трикни расмийлаштирди, 44-дақиқада эса Сулайҳим рақиб дарвозасини ишғол қилди.
“Ан-Насср” иккинчи бўлимда яна 3 марта дарвозани аниқ нишонга олди. Бу сафар Гариб ва Алива (2 та) ўз номларини таблога ёздириб қўйди. Шу тариқа “Ан-Насср” 8-0 ҳисобида ғалаба қозонди.
Ушбу ғалабадан сўнг Ар-Риёд жамоаси очколари сонини 62 тага етказиб, мусобақа жадвалида 2-ўринда бормоқда.
Саудия Про Лигаси
26-тур баҳси
2 апрель, сешанба
“Абҳа” — “Ан-Насср” 0:8
Голлар: 0:1 – 11 Роналду, 0:2 – 21 Роналду, 0:3 – 33 Мане, 0:4 – 42 Роналду, 0:5 – 44 Ал-Сулайҳим, 0:6 – 51 Гариб, 0:7 – 63 Ал Алива, 0:8 — 83 Ал Алива.
“Абҳа”: Тетерушану, Тиссеран, Ал-Саафи, Ал-Зубайди, Абу-Аед (Ал Қаҳтани, 37), Ал Кунайдири, Криховяк (Бгуир, 67), Матич, Ал-Шаммари (Жабер, 59), Ал-Жумайя (Ал-Кумайзи, 67), Камано (Ал Мутаири, 59).
“Ан-Насср”: Оспина, Бушал, Лапорт, Ал-Фатил, Теллес (Ал-Наҳли, 65), Отавио, Ал-Сулайҳим (Ал-Ҳассан, 58), Ал-Нажи, Мане (Ал Алива, 46), Гариб (Аман, 69), Роналду (Ал Немер, 46).
Огоҳлантиришлар: Ал-Зубайди (14), Криховяк (29).
Изоҳ (0)