Ўзбекистонда Россия лойиҳаси асосида АЭС қурилиши бошлангани ҳақида хабарлар тарқалди. “Ўзатом” агентлиги буни рад этди.
Агентлиги матбуот котиби Гулрухсор Равшанованинг “Дарё”га маълум қилишича, АЭС қурилиши бошлангани ҳақидаги хабарлар ёлғон.
“Лойиҳа қурилиши бошланадиган бўлса, бу ҳақда расман эълон қиламиз”, — дея таъкидлади у.
Россия президенти Владимир Путиннинг Ўзбекистонга давлат ташрифи доирасида 27 май Жиззахда атом электр станцияси қуришдаги ҳамкорликка оид ҳукуматлараро битимга ўзгартириш киритиш тўғрисидаги баённома имзоланганди. Шу куни “Ўзатом” агентлиги ҳузуридаги “АЭС қурилиши дирексияси” ДУК ва “Росатом” тузилмасидаги “Атомстроекспорт” АЖ инжиниринг компанияси ўртасида Ўзбекистонда кам қувватли атом электр станцияси қурилиши бўйича шартнома тузилди.
Imzoланган келишувларга асосан, Жиззах вилоятида Россия лойиҳаси асосида 330 МW қувватга эга (ҳар бири 55 МW қувватли 6 та реактордан иборат) АЭС қурилади. Станция қурилишида “Росатом” бош пудратчи бўлади, Ўзбекистон компаниялари ҳам иштирок этади.
Изоҳ (0)