Қамчиқ довонида Honda автомобили пастликка тушиб кетди. Бу ҳақда ФВВ хабар берди.
Келтирилишича, ҳолат А-373 Тошкент—Ўш автомобиль йўлининг “Қамчиқ” довони қисмида содир бўлган. Тошкент—Водий йўналишида ҳаракатланган Honda автомобилининг ҳайдовчиси бошқарувни йўқотиб йўл четидаги тўсиққа урилиши оқибатида уни кесиб ўтган ва хандаққа тушиб кетган.
Бу тўғрисида “Қамчиқ” махсус-қидирув, ёнғин-қутқарув бошқармасига хабар берилган. Хабарга асосан, зудлик билан ҳодиса жойига Қутқарув отряди ҳамда ЙПХ ходимлари етиб бориб, махсус техника ва асбоб-анжомлар ёрдамида автомобиль хавфсиз ҳудудга олиб чиқилган. Автомобильда ҳайдовчининг ўзи бўлган. Ҳодиса оқибатида тан жароҳати олганлар йўқ.
Чирчиқ шаҳрида ҳайдовчининг эҳтиётсизлиги оқибатида Spark каналга тушиб кетгани ҳақида хабар берилган эди. Шунингдек, Фарғона вилояти Тошлоқ туманида яшовчи фуқаро бошқарувида бўлган Damas эҳтиётсизлик оқибатида Фарғона каналига тушиб кетгани хабар қилинган.
Изоҳ (0)