Сурхондарё вилояти, Қумқўрғон тумани, “Жозиба” маҳалласи ҳудудидан ўтувчи 4Н 1591 автомобиль йўлида 6 август куни соат 12:40 ларда ЙТҲ содир бўлди. Бу ҳақда Сурхондарё вилояти ИИБ ЖХХ ЙҲХБ ахборот хизмати хабар берди.
Маълум қилинишича, 2000 йилда туғилган ҳайдовчи Lacetti автомобилида ҳаракатланаётиб, Қумқўрғон—Элбаён темирйўл бекати оралиғидаги темирйўл кесишмасида ўрнатилган огоҳлантирувчи светофорнинг тақиқловчи ишорасига бўйсунмай, ҳаракатни давом эттирган вақтида шу йўналишдан ҳаракатланиб келаётган Сариоиё—Термиз йўловчи поезди билан тўқнашган.
Натижада ҳайдовчи олган тан жароҳатлари туфайли воқеа жойида вафот этган.
Ҳолат юзасидан Қумқўрғон тумани ИИБ тергов гуруҳи томонидан терговга қадар суриштирув ишлари олиб борилмоқда.
Изоҳ (0)