Тошкентдан Бухорога қўшимча “Афросиёб” поездлари қатнови йўлга қўйилади

Тошкент—Бухоро—Тошкент йўналишида қўшимча йўловчи поездлар ҳаракати йўлга қўйилади. Бу ҳақда “Ўзтемирйўлйўловчи” хабар берди.

Қайд этилишича, йўловчиларга қулайлик яратиш мақсадида 2024 йилнинг 23 август кунидан ҳафтанинг ҳар жума, шанба ва якшанба кунлари 778/777-сонли Тошкент—Бухоро—Тошкент йўналишида “Афросиёб” электропоездининг қўшимча ҳаракати йўлга қўйилди. Поезд қуйидаги жадвал асосида ҳаракатланади:

778-сонли Тошкент—Бухоро йўналиши

• Тошкент 6:59 — Бухоро 11:05.

777-сонли Бухоро—Тошкент йўналиши

• Бухоро 16:12 — Тошкент 20:20.

Қўшимча маълумотни Тошкент шаҳридаги 1005 қисқа телефон рақами, жойлардаги темир йўл чиптахоналари ҳамда маълумотлар бюросидан билиб олиш мумкин. Чипталарни нафақат темир йўл чиптахоналаридан, балки электрон тарзда ушбу ҳавола орқали харид қилса бўлади.

• Аввалроқ “Ўзбекистон темир йўллари” АЖ 2024 йилнинг 1 июль санасидан маҳаллий йўналишлардаги йўловчи поездлар — “Насаф”, “Шарқ”, “Ўзбекистон” поездлари чипта нархларининг тариф қисми 25 фоизга оширилишини маълум қилганди.