Transparency International ташкилотининг 2024 йил учун Коррупцияни қабул қилиш индексида Ўзбекистон 180 та давлат орасида 28 балл билан 126-ўринни эгаллагани ҳақида хабар тарқалди. Коррупцияга қарши курашиш агентлиги маълумот нотўғри эканини маълум қилди.
Хабарда айтилишича, 11 февраль куни эълон қилинган рейтинг натижаларида Ўзбекистон 180 та давлат орасида 32 балл билан 121-ўринни эгаллади, ўтган 2023 йилга нисбатан эгалланган ўрин ўзгаришсиз қолган, лекин сўнгги етти йилга солиштирганда 37 поғона юқорилаган.
Индексда мамлакат кўрсаткичлари Шарқий Европа ва Марказий Осиё минтақасида ижобий томонга ўзгарган 5 та (Грузия, Молдова, Украина, Косово) давлатдан бири бўлгани таъкидланган. Масалан, сўнгги беш йиллик кўрсаткичи +7 балл ҳамда ўн йилликда +13 баллни ташкил этган ҳолда яхши натижаларни қайд этиб келмоқда.
Шунингдек, Индексда паст баҳоланган ва ўзгаришсиз қолган кўрсаткичлар бўйича халқаро ташкилотларнинг рейтинг манбалари билан алоқалар ўрнатиш, Transparency International ташкилотининг тавсиялари асосида Ўзбекистоннинг Индексдаги позициясини янада яхшилаш юзасидан мунтазам равишда иш олиб борилаётгани маълум қилинди.
Хусусан, бу борада алоҳида “йўл харитаси” қабул қилиниб, ижроси таъминланмоқда.
Шавкат Мирзиёев жорий йил 5 март куни Коррупцияга қарши курашиш миллий кенгаши йиғилишида иштирок этиб, мамлакатда коррупцияга қарши курашиш мутлақо янгича ёндашувлар асосида олиб борилиши бўйича кўплаб ташаббус ва таклифларни илгари сурди.
Ушбу йиғилишда президент коррупцияга нисбатан муросасиз бўлиш, мазкур фаолиятга кенг жамоатчиликни жалб қилиш ва нодавлат ташкилотларининг фаоллигини оширишнинг аҳамиятига алоҳида эътибор қаратди. Шунингдек, бугунги кунда жамиятда коррупцияга нисбатан муросасиз бўлиш ва унга қарши курашишда янги механизмларни ишлаб чиқиш зарурлиги алоҳида таъкидланди.
Президент томонидан Коррупцияга қарши курашиш бўйича конвенция талабларини мониторинг қилишга нодавлат ташкилотларни жалб қилиш таклиф этилди. Ушбу мақсадлар учун ҳар йили 10 миллиард сўмдан ажратиш таклиф этилди.
Изоҳ (1)
Коррупсияга Карши курашда Хитой тажрибасини куллаш зарур..Яни жазо кучли булиши керак.Кайси мамлакатда жазо чораси кучли булса ревожланиш кучли булади.