Сирдарё вилояти Мирзаобод туманида 14 ёшли мактаб ўқувчиси каналда чўкиб кетди. Бу ҳақда вилоят ФВБ хабар берди.
Маълум қилинишича, 18 май куни Мирзаобод тумани “Ойдин” МФЙ ҳудудидан оқиб ўтувчи Дўстлик каналига чўмилиш учун борган 2011 йилда туғилган, вояга етмаган фуқаро А.Х. эҳтиётсизлик оқибатида Дўстлик каналига чўкиб кетган.
Вилоят ФВБ ғаввос-қутқарувчилари томонидан олиб борилган сувда қидирув-қутқарув тадбирлари натижасида 19 май куни йигитнинг танаси сувдан олиб чиқилди.
Ҳозирда мазкур ҳолат юзасидан Мирзаобод тумани прокуратураси томонидан суриштирув ишлари олиб борилмоқда.
Бундан аввал Тошкентнинг Бўрижар каналига тушиб кетган қизни қутқарган эркакнинг ўзи ҳалок бўлгани хабар қилинганди. Шунингдек, Фарғонада уч нафар вояга етмаган бола сунъий сув ҳавзасига чўкиб кетган эди.
Изоҳ (0)