Тошкент шаҳрининг Мирзо Улуғбек туманидаги Ўзбекистон овози кўчаси 7/24 кўчага айланмоқда. Бу ҳақда туман ҳокимлиги матбуот хизмати хабар берди.
Маълум қилинишича, кўчанинг инфратузилмаси ўзгариб, аҳолига, йўловчиларга ва шаҳарсозлик нормаларига мос тушадиган масканга айланмоқда.
Шу муносабат билан 27 март куни соат 7:00 дан 30 апрелгача Ўзбекистон овози кўчасининг Шастри кўчаси билан кесишмасидан Яҳё Ғуломов кўчасига қадар қисми вақтинча автомашиналар ҳаракати учун ёпилади.
Тошкент шаҳрининг Шайхонтоҳур тумани, Шофайзи кўчаси 25 мартдан 1 майга қадар автотранспорт ҳаракати учун ёпилиши ҳақида хабар берилганди.
Тошкент шаҳрида рамазон ойи кечаларидаги таровиҳ намози муносабати билан 28 февралдан бошлаб ҳар куни соат 18:00 дан 24:00 гача масжидлар яқинидаги йўллар транспорт воситалари ҳаракати учун чекланиши ҳақида хабар берилган эди.
Изоҳ (0)