Жанубий кореялик хонанда, Blackpink гуруҳининг аъзоси Розе ва Бруно Марс томонидан ижро этилган “APТ” қўшиғига ишланган клип рекорд натижаларни кўрсатишда давом этмоқда.
13 март куни Корея вақти билан соат 22:43 да “APТ” клипининг YouTube’даги кўришлар сони расман 1,3 миллиарддан ошиб кетди. Клип 2024 йил 18-октябрь куни соат 13:00 да платформага жойлаштирилган, яъни қўшиқнинг бу кўрсаткичга эришиши учун атиги 146 куну 9 соат вақт кетган.
“APТ” клипи 5 ой ичида YouTube’да 1,3 миллиард мартадан ортиқ кўрилган, осиёлик хонандага тегишли илк видео бўлди. Ҳозирда клип барча даврлар бўйича энг катта натижаларга эришган мусиқий видеороликлар орасида бешинчи ўринни эгаллаган.
(Луис Фонси ва Дедди Янкининг “Despacito”, Эд Шираннинг “Shape of You”, Аделнинг “Hello”, Жей Балвин ва Вилли Уильямснинг “Mi Gente”сидан кейин мос равишда бешинчи ўринда).
Изоҳ (0)