Paynet тизими Uzcard тармоғидаги банкоматларга уланмоқда, бу эса фойдаланувчиларга тўловларни қулай ва тез амалга ошириш учун янги имкониятлар яратади.
Paynet хизматлари аллақачон Асака, Микрокредит ва Ипотека-банк каби банкларнинг банкоматлари орқали ишлаяпти ва яқин орада Халқ банки ҳамда ЎзСҚБ ҳам ушбу тармоққа қўшилади. Энди тўлов учун алоҳида терминаллар ёки шохобчаларни қидириш шарт эмас: картани банкоматга киритиб, PIN-кодни териб,“Бошқа тўловлар” бўлимига ўтиб, керакли хизматни танлаш кифоя.
Ҳозирда Paynetни қўллаб-қувватловчи банкоматлар тармоғи Ўзбекистон бўйлаб жойлашган 500 та қурилмани ўз ичига олади. Компания ўз хизматларини янада кўпроқ терминалларда тақдим этиш учун бошқа банклар билан музокаралар олиб бормоқда.
“Бу мижозлар учун қулайлик ва вақтни тежаш имкониятидир. Paynet нафақат ўзининг техник имкониятларини кенгайтирмоқда, балки одамларга мамлакатнинг исталган нуқтасида хизматларни тўлашнинг қулай ва содда усулини тақдим этиб, хизмат кўрсатишда етакчи бўлиб қолиш истагини ҳам тасдиқлайди”, дейди Paynet компанияси бош директори Анвар Исамухамедов.
Реклама ҳуқуқи асосида.
Изоҳ (0)