Ижтимоий тармоқда Тошкентнинг Мирзо Улуғбек туманидаги метро бекати яқинида йиртқич қуш ҳисобланган калхат учиб юргани акс этган видео тарқалди. Ҳолат бўйича Тошкент ҳайвонот боғи маълумот берди.
Маълум қилинишича, Гўша лақабли калхат ҳайвонот боғига қайтарилган.
Бизнинг Гриф Гўша кичик саргузаштга отланган кўринади! У бир неча кун шаҳарни ўрганди, лекин охир-оқибат ўз уйидан яхши жой йўқлигини тушунди, дейилади ҳайвонот боғи хабарида.
Қайд этилишича, Тошкент ҳайвонот боғи ва Экология вазирлиги ходимлари унинг ҳаракатларини диққат билан кузатиб борган ва керакли пайтда унга уйга қайтишга ёрдам берган.
“Гўша қанотлари катта бўлса-да, у ҳайвонот боғида ўсган ва ёввойи табиатда яшашга мослашмаган. Бу ерда унга керак бўлган ҳамма нарса бор: мутахассислар ғамхўрлиги, тўғри танланган овқатлар ва ўзини қулай ҳис қиладиган шароит.
Энди Гўша яна уйида – ҳордиқ чиқариб, тўйиб овқатланиб, қайтганидан мамнун кўринади, дея қўшимча қилинади хабарда.
Бундан аввал Хоразм вилоятининг Урганч шаҳрида ноқонуний сақланаётган шер ҳайвонот боғига топширилган эди. Шунингдек, Тошкент шаҳар Олмазор туманида фуқаро ўз уйида Қизил китобга киритилган қушларни сақлаб келаётгани аниқланганди.
Изоҳ (0)