Оилавий можаролар туфайли сўнгги кунларда кўплаб ОАВ эътиборига тушган туркиялик таниқли актёр ва хонанда Ўзжан Дениз юрак хуружини бошидан кечирди. Бу ҳақда “Türkiye Gazetesi”га таяниб, 1news.az хабар берди.
Актёр “Алвон ғунчалар” сериалининг навбатдаги қисмини суратга олиш жойида тўсатдан ҳушини йўқотган. Қайд этилишича, Денизга тез тиббий ёрдам кўрсатилиб, сўнг ангиография қилинган. Икки ҳафтадан кейин актёр юрагининг тромб ҳосил бўлган коронар артериясига махсус стент ўрнатиш учун яна касалхонага ётқизилиши керак бўлади. Айни дамда у саломатлигини тиклаши учун уйига юборилган.
Эслатиб ўтамиз, яқинда актёр оилавий можаролари туфайли турк ва хорижий ОАВ марказида бўлган эди. Унинг онаси Кадрие Дениз ўғлининг ва келини Самар Дадгарнинг устидан судга даъво аризаси билан мурожаат қилиб, ҳимоя ордерини талаб қилган эди.
Изоҳ (0)