Россиялик журналист Маргарита Симонян агар Россия Қозоғистонга “қандайдир бармалейлар” билан курашиш учун қўшин юборса, хурсанд бўлишини айтди. Бу ҳақда у “Эхо Москви” эфирида маълум қилди.
Эҳтимол, журналист 2022 йил январь воқеалари пайтида Россия ҳарбийларининг Қозоғистонга киритилганига ишора қилган.
Биз Украинада ҳам, Сурияда ҳам, агар яна бир бор қандайдир бармалейлар билан курашишга чақиришса, Қозоғистонда ҳам (жанг қилиш) имкониятига эга бўлсак, мен жуда хурсанд бўлардим, деди у.
Симонян бармалей (жиноятчи, босқинчи, жангарилар, фитначи ёки ғаламис) деганида айнан кимни назарда тутгани номаълум. У Россияда “ҳуқуқшунослар ҳам, иқтисодчилар ҳам” армияга боришини орзу қилиши, шунда ҳеч ким мамлакатга таҳдид солмаслигини таъкидлади.
Европа иттифоқи аввалроқ Симонянни Россия тарғиботининг “марказий фигураси” деб атаб, унга қарши санкциялар киритганди. Қозоғистонда ҳарбий парад бекор қилинганидан норози бўлган Симоняннинг турмуш ўртоғи — телебошловчи Тигран Кеосаян қозоғистонликларга “Украинага назар ташлаш” ва “жиддий ўйлаш”ни маслаҳат берганди.
Изоҳ (0)