Қорақалпоғистонда қарийб ярим млрд сўмлик газ ва “свет”дан ноқонуний фойдаланилди
Қорақалпоғистон Республикасида энергия ресурсларидан ноқонуний фойдаланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Фото: Бош прокуратура ҳузуридаги Иқтисодий жиноятларга қарши курашиш департаменти
Маълум қилинишича, Беруний туманида “Т.Ч.” фермер хўжалиги масъул шахслари тижорат мақсадида ўзбошимчалик билан электр энергияси тармоғига уланган. Оқибатда жами 288,2 млн сўмлик электр энергиясидан ноқонуний фойдаланилган.
Фото: Бош прокуратура ҳузуридаги Иқтисодий жиноятларга қарши курашиш департаменти
Шунингдек, вепартаментнинг Хўжайли ва Элликқалъа тумани бўлимлари томонидан ўтказилган терговга қадар текширувларда “Н.Ж.” оилавий корхонаси ва “Д.С.” МЧЖ масъул шахслари тижорат мақсадида умумий фойдаланишдаги электр ва газ тармоқларига ўзбошимчалик билан улангани аниқланган. Натижада жами 210,5 млн сўмлик энергия ресурсларидан ноқонуний фойдаланилган.
Фото: Бош прокуратура ҳузуридаги Иқтисодий жиноятларга қарши курашиш департаменти
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Энергия ресурсларидан ноқонуний фойдаланиш ҳолатлари ортиб бормоқда
Ўзбекистоннинг турли ҳудудларида энергия ресурсларидан ноқонуний фойдаланиш ҳолатлари аниқланмоқда. Ушбу ҳолатларнинг аксариятида миқдор млрд сўмдан ортиқ. Хусусан, Сирдарёда 683 млн сўмлик “свет”дан ноқонуний фойдаланган шахс ушланган эди.
Шунингдек, Сирдарёдаги маиший хизмат кўрсатиш шохобчасида 325 млн сўмлик “свет”дан ноқонуний фойдаланилгани аниқланганди. Шу билан бирга, Қорақалпоғистон Республикаси ва Тошкентда жами 2 млрд сўмлик “свет”дан ноқонуний фойдаланилгани ҳақида хабар берилган эди.
Бундан ташқари, Ангрендаги метан заправкада 1,1 млрд сўмлик электр энергиясидан ноқонуний фойдаланилгани аниқланган.
Изоҳ (0)