Саудия Арабистони чемпионатида ўйнайдиган “Ал-Иттиҳод” клубининг 36 ёшли франциялик ҳужумчиси Карим Бензема ушбу мавсум якунида фаолиятини якунлаш вариантини кўриб чиқмоқда, деб хабар бермоқда Relevo.
Манбага кўра, Карим ҳали якуний қарорга келмаган, бироқ бу ҳақда ўйлаб кўриш учун асослари етарли. Бензема аллақачон “Реал” билан клуб элчиси лавозимини келишиб олгани қайд этилган. Шу билан бирга, Саудия клуби франциялик футболчини шартномаси 2026 йилга қадар ўйнашини кутмоқда.
Маълумот учун, 36 ёшли Карим Бензема Саудия клубига 2023 йилнинг ёзида эркин агент сифатида келиб қўшилган эди. Жорий мавсумда у барча мусобақаларда 11 та учрашувда иштирок этиб, 10 та гол ва 3 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 8 миллион еврони ташкил қилади.
Изоҳ (0)