Дубайдаги “Тҳе Агенда” мажмуасида бокс бўйича “IBA Чемпионлар оқшоми” мусобақаси ўтказилди.
Мусобақанинг иккинчи асосий жангида Рио Олимпиадаси ғолиби, ўзбекистонлик чарм қўлқоп устаси Шаҳобиддин Зоиров рингга кўтарилди.
Ўзбекистонлик боксчига Венесуэла вакили Ёэл Финол рақиблик қилди.
Энг енгил вазн тоифасида ташкил этилган 10 раундлик жанг IBA Про таснифидаги чемпионлик камари учун ташкил этилди.
Венесуэла вакили Ёэл Финолга (5-0) қарши жанг тўлиқ 10 раунд давом этди ва ҳакамлар очколар сонига (95:95, 94:96, 94:96) кўра венесуэлалик боксчининг ғалабасини қайд этишди.
Аввалроқ IBA раҳбари мазкур жангнинг 5-раундигача нокаут орқали ғолиб бўлган боксчи 1 млн долларлик мукофот пулига эга бўлишини хабар қилган эди. Эндиликда ушбу бонус ҳеч бир боксчига берилмайдиган бўлди.
Изоҳ (0)