НАТОга аъзо асосий давлатлар, жумладан, АҚШ ва Германия Украинанинг иттифоққа қўшилишига қарши, чунки улар Россия билан муносабатлардаги кескинлик кучайишидан хавотирда. Бу ҳақда Киев ва Брюсселдаги манбаларга таяниб Wall Street Journal (WSJ) хабар берди.
Нашрга кўра, Украина президенти Владимир Зеленский НАТОга қўшилиш уруш тугаганидан кейингина мумкинлигини тан олса-да, мамлакатни ҳарбий блокка қўшилиши учун расмий таклиф сўрамоқда. Манбаларнинг аниқлик киритишича, Киев НАТОга аъзо давлатлар ТИВ раҳбарларидан ўз мамлакатлари раҳбарларига Украинага альянсга қўшилиш таклифини юбориш бўйича ҳеч бўлмаганда тавсиянома олмоқчи.
“Аммо бу сценарий ҳам ноаниқ истиқбол бўлиб қолмоқда”, дея қайд этади нашр.
НАТО бош котиби Марк Рютте 3 декабрь куни альянснинг Брюсселдаги йиғилиши олдидан ўтказилган матбуот анжуманида НАТО Украинани иттифоққа таклиф қилиш масаласини муҳокама қилмаётганини таъкидлаган.
Украина расмийлари Киевнинг яқин келажакда НАТОга аъзо бўлиш истагини бир неча бор айтган эди.
Зеленский Украина ҳеч қачон альянсга қисман таклифни қабул қилмаслигини таъкидлаган, бироқ у аввалроқ Киев назоратидаги ҳудудлар НАТО ҳимоясига олинса, можаронинг “қайноқ босқичи”ни тўхтатилиш эҳтимолини маълум қилганди. У, шунингдек, Украинага бу борада ҳеч қандай таклиф тушмаганини тан олган.
Россия президенти Владимир Путин аввалроқ можарони ҳал қилиш шартларини эълон қилган эди. Унга кўра, Путин Қрим, ДХР, ЛХР, Херсон ва Запорожье вилоятларининг Россия ҳудуди сифатидаги мақомини тан олиш, Украинанинг қўшилмаслик ва ядро қуролидан холи мақомини мустаҳкамлаш, уни демилитаризация ва денацификация қилиш, шунингдек, Россияга қарши санкцияларни бекор қилишни назарда тутувчи янги тинчлик таклифларини илгари сурган.
Изоҳ (0)