Оқ уйнинг стратегик алоқалар бўйича координатори Жон Кирби Украинанинг узоқ масофали ATACMS ракеталарини Курск вилоятига ҳужумлар учун ишлатишга рухсати борлигини тасдиқлади.
“Украина шошилинч зарурат бўлган тақдирда ўзини-ўзи ҳимоя қилиш учун ATACMS'дан фойдаланиш имкониятига эга. Ҳозирда Курск вилояти атрофида шундай эҳтиёж мавжуд”, деди Кирби.
Шунингдек, у Америка маъмурияти узоқ масофага учувчи ушбу ракеталардан фойдаланиш бўйича йўриқномага ўзгартиришлар киритганини, унга кўра Украина Қуролли кучлари фақат аниқ нишонларга зарба беришини тан олди.
Ўтган ҳафта Times газетаси Оқ уйнинг номи ошкор этилмаган расмийларига таяниб, президент Жо Байден биринчи марта Украина томонидан Россия ҳудудига зарба бериш учун Американинг узоқ масофали қуролларидан фойдаланишга рухсат бергани ҳақида ёзганди.
Владимир Путиннинг сўзларига кўра, бу Украинадаги можарога НАТОнинг тўғридан-тўғри киришини англатади: Ғарбда ишлаб чиқарилган узоқ масофали қуролларни қўллаш бўйича операциялар иттифоқ мамлакатлари ҳарбийлари иштирокида амалга оширилади, чунки фақат улар ракета тизимига учиш миссияларини киритишлари мумкин.
21 ноябрь куни Россия ўрта масофали ракета тизимларидан бири “Орешник”ни қўллади. Бу Украина Қуролли Кучларининг узоқ масофали ATACMS ва Storm Shadow ракеталари билан Курск ва Брянск вилоятларидаги нишонларга ҳужумларига жавоб бўлди.
Россия қўшинлари Днепропетровскдаги йирик саноат мажмуасига ядровий бўлмаган гипертовушли баллистик ракета билан зарба беришди.
Изоҳ (0)