Бутунжаҳон бокс ассосиасияси (WBA) ўзбекистонлик боксчи Шаҳрам Ғиёсов иштирокидаги чемпионлик жангига промоутерлик савдосини эълон қилган эди.
Бир ой муддат ичида боксчилар жамоаси келишувга эриша олмаганидан кейин 8 ноябрь, яъни бугун промоутерлар ўртасида кимошди савдоси ўтказилиши керак эди. Аммо жамоалар таклифига кўра, жараён 19 ноябрь санасига кўчирилди. Бу ҳақида WBA маълум қилди.
Аввалроқ, мазкур жанг Ўзбекистонда ўтказилиши мумкинлиги ҳақида хабар берилганди.
Маълумот учун, Ғиёсов сўнгги жангида мексикалик Мигел Парра (22-4-1)ни мағлубиятга учратган эди. Тўлиқ 10 раунд давом этган жангда ҳакамларнинг икки нафари ўзбекистонлик боксчи ғалабасини, бир нафари Парранинг ғалаба қозонганини қайд этганди.
Ғиёсов бугунгача 16 та жанг ўтказган ва барчасида ғалаба қозонган.
Литвалик Эймантас Станионис профессионал боксда 15 та жанг ўтказиб, барчасида ғалаба қозонган. Жангларининг 9 тасини муддатидан аввал якунлаган.
Изоҳ (0)