Исроил армияси Эрондан ҳужум бўлиши эҳтимолига жанговар шайлиги ва ҳушёрлигини оширди. Бу ҳақда манбаларга таяниб, The Times of Israel хабар берди.
Кучайтирилган ҳушёрлик Исроил армияси бош штабининг барча бўлинмаларида кундалик вазиятни баҳолашни ўз ичига олади. Бутун разведка бўлинмасини жалб этган ҳолда турли усуллар орқали разведка маълумотларини тўплаш кучайтирилган. Ҳаво ҳужумидан мудофаа тизимлари ҳам юқори шай ҳолатида қолмоқда.
Эрон ҳозирда қасос олиш имкониятларини кўриб чиқмоқда ва жавоб бериш кўламини баҳоламоқда. Манбалар Эрон Исроилнинг юқори мартабали мулозимларини ҳам ичкари, ҳам ташқаридан нишонга олишини инкор этмайди. Айрим манбаларга кўра, Эрон Ироқ ҳудуди орқали Исроилга зарба беришни режалаштирмоқда. Яҳудий давлати мазкур версияга тайёргарлик кўриш мақсадида Ироқдаги “қонуний нишонлар”ни аниқлади.
Исроилда ТҲААД ракетага қарши мудофаа тизимини бошқараётган юзлаб америкалик ҳарбийларнинг мавжудлиги АҚШ кучлари билан яқин ҳамкорликни яққол кўрсатди, дейди ҳарбий мансабдор шахс.
Яҳудий давлати ТҲААД тизимлари эвазига Эроннинг ядровий ва нефть объектларини нишонга олмасликка рози бўлганди. Оқибатда 26 октябрь куни Эроннинг ракета ишлаб чиқариш заводлари ва ҳаво ҳужумидан мудофаа тизимлари нишонга олинган. АҚШ эса ТҲААД тизимларини Исроилга етказиб берганди. Ундан фойдаланишни ўргатиш учун америкалик муҳандислар Исроилга юборилган.
Изоҳ (0)