Футбол бўйича Саудия Арабистони Қирол Кубоги 1/8 финалида “Ан-Насср” “Ат-Тавун” жамоасига 0:1 ҳисобида мағлубиятга учради.
Учрашувнинг 90+6-дақиқасида Ар-Риёд жамоаси ҳужумчиси Криштиану Роналду пенальтини ноаниқ амалга оширди. Бу Роналдунинг “Ан-Насср”даги 19 та аниқ зарбадан кейинги илк ноаниқ пенальтиси бўлди. Шу тариқа жамоа нимчорак финалдаёқ ўз юришини тўхтатди.
Криштианунинг ноаниқ тепган тўпи дарвоза устидан ўтиб кетди ва трибунадаги томошабинлардан бирининг қўлига тегди — ёш мухлис ўзини четга олишга уринган, бироқ тўп унинг қўлига тегиб, телефонини тушириб юборган. Ўйиндан сўнг ушбу воқеа акс этган тасвирлар ижтимоий тармоқларда тарқалди.
Маълумот учун, жорий мавсумда Роналду барча турнирларда 12 та ўйинда қатнашиб, 9 та гол ва 3 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
Изоҳ (0)