Ўзбекистонда автомобилларни сотиш ва сотиб олиш учун янги – Abozor иловаси ишга туширилди

Автомобиллар оламида машина сотиб олиш ёки сотиш ҳақиқий синовга айланиши мумкин. Узоқ изланишлар, нархларни таққослаш, диагностика - буларнинг барчаси вақт ва куч талаб қилади. Бироқ, Abozor бозорга кириб келиши билан бу муаммолар ўтмишда қолади. Ушбу платформа жараённи барча иштирокчилар учун қулай ва хавфсиз қилиш мақсадида яратилган.

Лойиҳа комплекс автомобиль ечимлари соҳасида етакчи бўлган Agroup компанияси томонидан AVTORITET кўп функцияли автосервислар тармоғи билан ҳамкорликда ишлаб чиқилган

10 октябрь куни Abozor Ўзбекистоннинг етакчи автоҳамкорлари ва савдогарларини тўплаб, бутун мамлакат бўйлаб кенг кўламли ёпиқ тадбир ўтказди. Ушбу тадбир доирасида ўтказилган кимошди савдосида 30 дан ортиқ автомобиль ўйналди. Ушбу аукцион бозор иштирокчилари учун платформанинг самарадорлиги ва имкониятларини намойиш этди.

Abozor бошқа платформалардан нимаси билан фарқ қилади?

Abozor - бу оддий эълонлар платформаси эмас. Бу ерда харидорлар ва сотувчилар жараённи анча осонлаштирадиган ноёб воситалар тўпламидан фойдаланишлари мумкин. Масалан, сиз автомобилнинг давлат рақамини киритасиз ва тизим автоматик равишда ВИН рақамини (автомобилнинг идентификация рақами) ҳам қўшиб, барча муҳим маълумотларни тақдим этади. Натижада маълумотларни қўлда тўлдириш шарт бўлмайди. Бу вақтни тежайди ҳамда хатоларнинг олдини олади.

Онлайн кимошди савдоси функцияси

Автомобилни сотиш асабий ва узоқ жараёнга айланиши мумкин, айниқса яхши харидорни қандай топишни билмасангиз. Abozor’да бунинг ечими бор – онлайн кимошди савдоси. Бу қандай амалга оширилади? Сиз автомобилингизни кимошди савдосига қўясиз ва 500 дан ортиқ профессионал савдогарлар ўз нархларини таклиф қилишади. Бу сизга максимал фойда ва минимал куч сарфлашни кафолатлайди. Сиз энг яхши таклифни танлаб, битимни якунлайсиз.

Хавфсизлик биринчи ўринда 

Фойдаланувчилар Abozor’ни танлашига сабаб бўлган асосий омиллардан бири битимларнинг хавфсизлигидир. Кимошди савдосига қўйилган барча автомобиллар сертификатланган сервис марказларида мажбурий диагностикадан ўтказилади. "Текширилди" стикерини олгач, автомобилнинг соз ҳолати ва сотувга тайёрлиги тасдиқланади. Бу харидорлар учун хавфни камайтиради ва сотувчилар учун жараённи осонлаштиради. Агар автомобиль "Эълонлар тахтаси" бўлимида жойлаштирилса, диагностика ихтиёрий бўлиб, сотувчиларга кўпроқ мослашувчанлик беради.

Автомобиль нархини баҳолаш - тез ва аниқ.

Автомобилингиз қанча туришини билмайсизми? Abozor тезкор ва аниқ баҳолаш учун ҳақиқий бозор маълумотлари ва сунъий интеллектдан фойдаланади. Бир неча дақиқа ичида сиз жорий бозор шароитларига асосланган ҳолда ўз машинангизнинг ҳақиқий қийматини билиб оласиз. Бу сотиш жараёнини сезиларли даражада осонлаштиради ва оширилган ёки пасайтирилган нархларнинг олдини олишга ёрдам беради.

Автомобиль эгалари учун қўшимча функциялар

Abozor фойдаланувчилари техник кўрик, суғурта ва жарималар каби муҳим саналарни кузатиш имконини берувчи "Менинг гаражим" функциясидан фойдаланишлари мумкин. Шунингдек, автомобиль учун тонировка ёки суғурта каби хизматларга тўғридан-тўғри илова орқали буюртма бериш имконияти мавжуд.

Abozor келажаги: тўлақонли автоэкотизим

Онлайн платформага қўшимча равишда, Abozor анъанавий бозорда янада кенгайишни режалаштирмоқда. Яқин келажакда 5,3 гектарлик автомобиль бозори очилиб, барча автомобиль ишқибозлари учун ҳақиқий марказга айланади. Ҳудудда қуйидагилар жойлаштирилади:

• Автосервис ва автомобиль ювиш шохобчаси;
• Автомобиллар учун синов бошқарув майдони;
• Кимошди савдоси маркази ва ишлатилган автомобилларни сотиш майдончаси;

Бундан ташқари, фойдаланувчилар ДАН, нотариус, суғурта ва молиявий маслаҳатлар каби бир қатор қўшимча хизматлардан фойдаланишлари мумкин бўлади. Бу тўлиқ экотизимни яратади. Унда автомобиль эгалари барча керакли нарсаларни бир жойда топишлари мумкин.

Бугуноқ Abozor’га қўшилинг!

Реклама ҳуқуқи асосида.