Украина президенти Владимир Зеленский 16 октябрь куни Рададаги чиқишида ғалаба режасини омма олдида тақдим этади. Бу ҳақда Украина президенти девони раҳбари маслаҳатчиси Сергей Лешенко Telegram каналида маълум қилган.
“Зеленскийнинг Радада чиқиш қилишининг асосий сабаби — бу ғалаба режасининг оммага тақдимоти”, дея аниқлик киритди Лешенко.
RBC-Украинанинг Рададаги манбаси президент чоршанба куни эрталаб бўлиб ўтадиган йиғилишда Украина учун ғалаба режасини тақдим этиши кераклигини тасдиқлади.
Эслатиб ўтамиз, Украина президенти Владимир Зеленский бир неча ой аввал ғалаба режаси тузишини эълон қилган эди. Ҳужжатнинг тўлиқ мазмуни ҳозирча оммага ошкор этилмаган, бироқ давлат раҳбари унинг алоҳида бандлари ҳақида батафсил тўхталиб ўтди.
Изоҳ (0)