Европа иттифоқи Яқин Шарқдаги мамлакатларга қурол эмбаргосини жорий қила олмайди, чунки бу масала Европа иттифоқига аъзо давлатларнинг миллий органлари ваколатига киради. Бу ҳақда Европа иттифоқи ташқи ишлар хизмати вакили Петер Стано Брюсселдаги матбуот анжуманида маълум қилди.
“Европа иттифоқи қурол савдоси соҳасида ҳеч қандай ваколатга эга эмас, бу масалани иттифоққа аъзо давлатлар ҳал қилади”, деди у журналистларнинг “Европа иттифоқидаги можарони ҳал қилиш учун бутун Яқин Шарққа қурол эмбаргосини жорий қилиши мумкинми?” деган саволига жавоб берар экан.
Станонинг сўзларига кўра, бундай тақиқни жорий қилиш учун “ёки БМТ Хавфсизлик кенгашининг қарори ёки Европа иттифоқига аъзо барча давлатларнинг бир овоздан қарори талаб қилинади”.
Аввалроқ Франция президенти Эммануэль Макрон Исроилга ҳарбий амалиётлар учун қурол етказиб беришни тўхтатиш зарурлигини маълум қилганди.
“Бизнинг сиёсий ечимга қайтишимиз, Ғазодаги жанглар учун қурол етказиб беришни тўхтатиш устувор вазифадир”, деган эди Франция етакчиси.
Макроннинг қўшимча қилишича, ҳозир Франция ҳукуматининг асосий вазифаларидан яна бири эскалацияга йўл қўймасликдир.
Изоҳ (0)