Инста-блогер Марям Тиллаева YouTube'даги “Cashtalk” подкастига берган интервьюсида оила қуриш борасидаги режалари ҳамда ўзига бўладиган ғайриоддий таклифлар ҳақида гапириб берди.
— Мени Саудия Арабистонига таклиф қилишди, лекин бормадим. Бундан ташқари яна бир қўрқинчли ҳолат бўлди. Бир инсон менга жуда катта гулдасталар жўната бошлади. У деярли ҳар куни менга ақл бовар қилмас даражадаги совғаларни жўнатарди. Кейин билсам у урушдан пул топаётган экан. У тўхтамасдан ҳадялар жўнатганидан кейин унинг кимлиги билан қизиқиб кўрдим. Кимлигини билганимдан кейин эса “Йўқ, раҳмат, керакмас”, дедим. Бундай ҳолатлар менда кўп бўлган, — дейди Марям ўзига келадиган ғайриоддий таклифлар ҳақида.
“Қайсидир ижтимоий тармоқни бутунлай ўчириб юбориш имкони бўлганида қайсисини ўчиришни хоҳлардинг?” деган саволга Марям қуйидагича жавоб берди:
— Мен битта компанияга собиқ эрим ва мен ҳақимдаги барча мақолаларни ҳамда яланғоч тушган суратимни ўчириш учун 30 минг доллар тўладим. Улар интернетни “тозалаш” билан шуғулланади. Ўйлашимча, мен ҳақимдаги барча мақолаларни ўчиришса, бўлган воқеа-ҳодисалар одамларнинг эсидан чиқиб кетади.
Марям Тиллаева у билан танишмоқчи бўлган йигитлар қандай талабларга жавоб бериши кераклиги ҳақидаги саволга ҳам жавоб берди.
— Унинг бўйи 185 сантиметр бўлиши керак. У меҳрибон, жонкуяр, ҳақгўй бўлиши керак. У мен яшаётган ҳаёт даражасида яшаши, ойига ҳеч бўлмаса 50 минг доллар ишлаб топиши керак, дейди у.
Марямнинг айтишича, у оила қуриб хотиржам яшаши учун ҳисоб рақамида 20 миллион доллар пул бўлиши керак.
— Мен ўзимни доим олға юрадиган денгиз чўчқачасига ўхшатаман. Бирон мақсадга эришганимда тўхтаб қолмайман, мен жараёндан завқланаман. Бир кун келиб, тинчланишни ҳамда денгиз бўйидан ўзимга уй сотиб олиб, оилам билан хотиржам яшашни орзу қиламан. Мен ҳозир 30 ёшдан кейинги ҳаётим ҳақида гапиряпман. Унга беш йил қолди. Ўша пайтгача мен банк ҳисоб рақамимда 20 миллион доллар бўлишини истайман. Шундагина бир оз тин олиб, оилам билан яшашим мумкин бўлади, дейди Марям.
Изоҳ (2)
Ойига 50 000 $ топадиган йигит сани бошига урадими?!
Изоҳ ўчирилди
Изох ёқилганми?!