Исроил Ливаннинг бир қатор қишлоқларида ҳарбий ҳаракатларни давом эттирмоқда. Ҳарбий операциялар “Ҳизбуллоҳ” ҳарбий объектлари йўқ қилинмагунча давом этади.
Бу ҳақда Исроил мудофаа вазири Йоав Галант маълум қилди, деб хабар бермоқда The Times of Israel.
Галантнинг таъкидлашича, ҳозирда “Ҳизбуллоҳ” қаттиқ зарбалар берилмоқда. Тез орада Исроил армияси янги “сюрпризлар” уюштиради.
“Биз “Ҳизбуллоҳ” етакчиси Ҳасан Насруллоҳни аллақачон йўқ қилдик ва бизда яна кўп сюрпризлар бор. Уларнинг баъзилари аллақачон намойиш қилинган, баъзилари эса ҳали амалга оширилмаган», деди вазир.
Исроил уч ҳафтадан бери Ливан жанубида фаол ҳаво ҳужумлари уюштириб, “Ҳизбуллоҳ” ҳаракати инфратузилмасини вайрон қилмоқда. 28 сентябрь куни Исроил ҳаво кучлари “Ҳизбуллоҳ”нинг марказий қароргоҳи жойлашган Байрутнинг жанубий чеккасига кучли ҳаво ҳужуми уюштирди. Ушбу зарба натижасида ҳаракат етакчиси Ҳасан Насруллоҳ ва бошқа қўмондонлар ҳалок бўлди.
Изоҳ (0)