БМТ Бош ассамблеясининг 79 йиллик сессияси доирасида Марказий Осиёнинг бешта давлати — Ўзбекистон, Қозоғистон, Қирғизистон, Тожикистон, Туркманистон ташқи ишлар вазирлари ва АҚШ давлат котиби Энтони Блинкен C5+1 форматида учрашув ўтказди.
“Қарийб ўн йил аввал Самарқандда илк бор бошланган C5+1 ташаббусининг изчил ривожланиши Марказий Осиёда тинчлик ва фаровонлик йўлида биргаликдаги ҳаракатимизни намойиш этади”, деб ёзди учрашувда иштирок этган Ўзбекистон ташқи ишлар вазири Бахтиёр Саидов.
Унинг таъкидлашича, иқтисодий ҳамкорлик, сув ресурсларини бошқариш, барқарор қишлоқ хўжалиги, экологик чақириқларга қарши биргаликда курашиш минтақавий ҳамкорликда барқарорлик ва ўсишни таъминловчи асосий йўналишларидандир.
Энтони Блинкен Х ижтимоий тармоғидаги саҳифасида АҚШ Марказий Осиё мустақиллиги, фаровонлиги ва хавфсизлигини сақлашга қаратилган умумий мақсадларга эришиш учун минтақа давлатлари билан ҳамкорлик қилиш тарафдори эканини ёзди.
2023 йил 19 сентябрда бўлиб ўтган Марказий Осиё давлатлари ва АҚШ раҳбарларининг C5+1 форматидаги биринчи саммитида эришилган келишувлар ҳамда Нью Йорк декларациясида эришилган келишувларни самарали амалга ошириш тарафдори эканлигини билдирди.
Изоҳ (0)