Икки вилоятда “свет” ва газдан ноқонуний фойдаланиш ҳолатлари фош этилди

Андижон вилоятининг Балиқчи ва Избоскан, Хоразм вилоятининг Урганч шаҳрида энергия ресурсларидан ноқонуний фойдаланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Маълум қилинишича, Балиқчи туманидаги “И.С.” МЧЖ масъул шахслари ва бошқалар МЧЖ қарашли ёғни қайта ишлаш заводида умумий фойдаланишдаги электр тармоғига тижорат мақсадида уланиб, жами 250 млн сўмлик “свет”дан ноқонуний фойдаланганликлари аниқланган. 

Избоскан туманида ЯТТ Б.Н. ва бошқалар “Овулмат” МФЙда жойлашган новвойхонада умумий фойдаланишдаги газ тармоғига тижорат мақсадида тўғридан тўғри уланиб, жами 149,3 млн сўмлик табиий газдан ноқонуний фойдаланганликлари аниқланган.

Урганч шаҳридаги “Г.” МЧЖга қарашли Урганч тумани, “Киллавут” маҳалласида жойлашган дам олиш масканида умумий фойдаланишдаги электр тармоғига тижорат мақсадида электр ҳисоблагичдан ташқари уланиб, жами 160,7 млн сўмлик “свет”дан ноқонуний фойдаланганлиги аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.