Ижтимоий тармоқларда аёлларнинг уст-бош алмаштириш хонасига яширин кузатув камераси ўрнатилгани ҳақида хабарлар тарқалди. Фарғона ИИБ ҳолатга изоҳ берди.
Маълум қилинишича, ҳолат Фарғона вилояти Педогогик маҳорат марказида бўлган. Ушбу кузатув камерасини эса мазкур марказ ўқитувчиси ўрнатган.
“Айни ўша хонанинг камераси ишламай қолгани сабабли қўйилган эди. Бунақанги ваҳимали тарзда тарқайди деб ўйламаган эдим. У ўқув хонаси эди. Марказимизда кийиниш хонаси мавжуд эмас. Бизнинг бир хатойимиз камерани очиқ ўрнатмаганимиз. Бу даражада шов-шув бўлиб кетади, деб ўйламагандим. Афсусдаман, узр сўрайман. Мақсадим дарс жараёнини тингловчиларга қай даражада еткизилаётгани ҳақида маълумотга эга бўлиш эди”, — дейди ўқитувчи.
Ҳозирда ҳолат юзасидан Маъмурий жавобгарлик тўғрисидаги кодекснинг тегишли моддаларига асосан ҳужжатлар расмийлаштирилди.
Изоҳ (0)