AKFA Аlyuminum ўз тарихида илк бор S&P Global агентлиги томонидан “B+/B” даражасидаги “Барқарор” прогнозли кредит рейтингини олди.
Марказий Осиёдаги етакчи пластик ва алюминий профиллар ишлаб чиқарувчи ва Ўзбекистондаги энг йирик хусусий саноат компанияларидан бири бўлган AKFA Аluminum (AKFA) ўз тарихида илк бор S&P Global рейтинг агентлиги томонидан B+/B даражасидаги “Барқарор” прогнозли кредит рейтингини олди. Катта учликка кирадиган кредит агентлигидан кредит рейтингини олиш корпорациянинг кейинги ўзгаришидаги муҳим қадамдир.
S&P Global ҳисоботига кўра, AKFA Ўзбекистоннинг тез ривожланаётган қурилиш материаллари бозоридаги етакчи ўрнини эгалламоқда ҳамда яхши инвестицияланган активлар базаси ва юқори даражадаги автоматлаштирилган ишлаб чиқаришга эга. Рейтинг компаниянинг молиявий ва тижорат ҳолатини баҳолангандан сўнг берилди.
S&P Global экспертларининг таъкидлашича, AKFA ўз ишлаб чиқариш базасини янгилаш мақсадида сўнгги уч йил ичида тахминан 95 миллион АҚШ доллари миқдорида капитал сармоя киритди.
AKFA Аluminum LLC юқори бошқарув стандартлари асосида барқарор ривожланиш йўлида бориб, халқаро даражага дадил кўтарилмоқда. "Барқарор" прогнозли узоқ муддатли B+ ва "барқарор" прогнозли қисқа муддатли B рейтингининг берилиши компания учун муҳим ютуқ бўлиб, дунёдаги энг нуфузли рейтинг агентликларидан бири томонидан юқори даражадаги ишончни тасдиқлайди.
AKFA Аluminum Бошқарув раиси Баҳодир Абдуллаевнинг таъкидлашича, илк кредит рейтингини қўлга киритиш компания тарихида муҳим воқеа бўлди.
“S&P Global томонидан берилган кредит рейтинги компаниямизга ўз бизнесини кенгайтириш, хорижий сармояларни жалб қилиш ва жаҳон бозоридаги ўрнини мустаҳкамлаш учун янги имкониятлар очади. Бундан ташқари, мазкур рейтинг компанияга халқаро капитал бозорларига чиқиш ва кейинги ўсиш учун зарур ресурсларни жалб қилиш имконини беради”, — деди Баҳодир Абдуллаев.
Ўзбекистонда сўнгги йилларда амалга оширилган бизнес ислоҳотлари мамлакатимизнинг етакчи компанияларига халқаро молиялаштириш имкониятларидан фойдаланиш ва ташқи бозорларни ўрганиш имконини берди. Шу муносабат билан AKFA Алуминиум корпоратив бошқарув, молиявий ҳисобот ва ЭСГ соҳаларида илғор халқаро тажрибаларга амал қилиш учун ўзининг операцион жараёнларини муваффақиятли қайта кўриб чиқмоқда.
Компания ҳақида
AKFA компанияси 2000 йилда ташкил этилган. Айни пайтда AKFA Ўзбекистон ва Марказий Осиё минтақасида алюминий ва PVX профиллар ишлаб чиқарувчи энг йирик компаниялардан бири ҳисобланади. Бугунги кунда компания корхоналарида 8 минг нафарга яқин ходимлар фаолият юритмоқда. AKFA маҳсулотлари АҚШ, Канада ҳамда Европа Иттифоқи, МДҲ ва Яқин Шарқнинг 30 дан ортиқ мамлакатларга экспорт қилинади.
Реклама ҳуқуқи асосида.
Изоҳ (0)