ЖЧ—саралаши. Қирғизистон ва Ўзбекистон футболчиларининг ўйини қандай баҳоланди?

Футбол бўйича Жаҳон чемпионати саралашининг 3-босқичидан ўрин олган Қирғизистон—Ўзбекистон учрашуви 10 сентябрь куни бўлиб ўтди.

Шиддатли кечган ўйинда Ўзбекистон миллий жамоаси 3:2 ҳисобида ғалаба қозонди. 

Софасcоре нашри учрашувда қатнашган футболчиларни баҳолади. 

Унга кўра, Ўзбекистон миллий жамоаси сардори, учрашувнинг энг яхши ўйинчиси Элдор Шомуродовнинг ҳаракатлари 8,4 баллга баҳоланди. Биринчи бўлимга қўшиб берилган дақиқаларда бош билан ажойиб зарба йўллаб, ҳисобни тенглаштирган Ҳусниддин Алиқулов 8 баллга лойиқ кўрилган. Ҳал қилувчи голни киритган Остон Ўруновга эса портал томонидан 7,9 балл қўйилди.

Ўзбекистон жамоаси дарвозабонига Софасcоре энг паст баҳони қўйган — 6,3 балл.

Қирғизистон жамоаси сафида иккинчи голни киритган Одилжон Абдураҳмоновнинг ўйини юқори баҳоланган — 7,5 балл. “Динамо” футболчиси Кожо 7,3 баллга лойиқ кўрилди. Айнан у мезбонларнинг биринчи голига муаллифлик қилди.

Жамоанинг ўнг қанот ҳимоячиси Мишченко энг паст — 6,0 балл қўйилган.

Ушбу ғалабадан сўнг Ўзбекистон жамоаси 6 очко тўплаб гуруҳда Эрон билан биргаликда пешқадамликни сақлаб турибди. Ушбу жамоалар 3-тур доирасида учрашади. Баҳс 10 октябрь куни Тошкентда бўлиб ўтади.