Самарқанд вилоятининг Самарқанд туманида содир бўлган ЙТҲ оқибатида 14 ёшли қиз вафот этди.
Вилоят Йўл ҳаракати хавфсизлиги бошқармаси матбуот хизматининг маълум қилишича, ЙТҲ М39 автомобиль йўлида “Жигули” ва Spark автомобиллари иштирокида содир бўлган. “ВАЗ 2107” ҳайдовчиси йўлда қайрилиш мумкин бўлмаган жойдан қайрилиб олаётганида Spark йўлига чиқиб кетиб, тўқнашган.
Оқибатда “Жигули” ҳайдовчисининг 2010 йилда туғилган фарзанди оғир тан жароҳати олган ва шифохонага ётқизилган. Бироқ кўрсатилган муолажаларга қарамай қизча вафот этган.
Бундан аввал Самарқанднинг Пахтачи туманида учта автомобиль ва автобус иштирокида ЙТҲ содир бўлгани, Иштихон туманида Lacetti уриб юборган мототциклдаги ота ва унинг 13 яшар қизи ҳалок бўлгани ҳақида хабар берилган эди.
Изоҳ (0)