2024 йилнинг 6 ойида кичик тадбиркорлик субъектларининг экспорт ҳажми 3,8 млрд долларни ташкил этди

2024 йилнинг январь июнь ойларида кичик тадбиркорлик субъектлари томонидан амалга оширилган маҳсулот (ишлар ва хизматлар) экспорти ҳажми 3,8 млрд АҚШ долларини ёки умумий экспорт ҳажмининг 28,9 % ни ташкил этган. Бу ҳақида Статистика агентлиги хабар қилди.

Ҳудудлар бўйича кичик тадбиркорлик субъектлари томонидан амалга оширилган маҳсулот (ишлар ва хизматлар) экспортининг жамига нисбатан энг кўп улуши қуйидаги кўринишда:

Сурхондарё вилоятида – 84,9 %;

Сирдарё вилоятида – 61,3 %;

Фарғона вилоятида – 57,7 %;

Хоразм вилоятида – 57,5 %;

Бухоро вилоятида – 50,5 %;

Жиззах вилоятида – 50,2 % ни ташкил этган.

Аввалроқ Статистика агентлиги 2024 йилнинг январь июнида автомобиль транспортида йўловчи айланмасининг умумий ҳажмида кичик тадбиркорлик субъектларининг улуши 94,8% ни ташкил этганини хабар қилганди.

Бу кўрсаткич 2023- йилнинг тегишли даврига нисбатан солиштирилганда 3,4% га ўсган.