Франциянинг Париж шаҳрида бўлиб ўтаётган Паралимпия ўйинларининг пара дзюдо мусобақаси давом этмоқда.
Пара дзюдо бўйича эркаклар ўртасида J2 классида -60 кг вазн тоифасида финал баҳси якунланди.
Олтин медал учун кечган курашда ўзбекистонлик Шерзод Намозов грузиялик Зураб Зурабианига қарши татамига чиқди ва ғалабага эришиб, икки карра Паралимпия ўйинлари ғолиби деган шарафли номга сазовор бўлди.
Маълумот учун, Шерзод Намозов бундан аввал Рио-2016 ёзги Паралимпия ўйинларида ҳам олтин медални қўлга киритган.
Изоҳ (0)