Франция ташқи ишлар вазирлигининг собиқ раҳбари, собиқ Европа комиссари ва Европа Иттифоқининг Brexit бўйича собиқ бош музокарачиси, 73 ёшли Мишель Барне Франциянинг янги бош вазири этиб тайинланди.
Бу ҳақда Елисей саройи матбуот хизмати хабар берди.
Франция президенти Эммануэл Макрон Мишель Барнега мамлакат ва француз халқига хизмат қиладиган бирдам ҳукуматни тузишни буюрди, — дейилади хабарда.
17 июль куни Франция президенти Эммануэл Макрон бош вазир Габриэль Атталнинг истеъфосини қабул қилгани, аммо Аттал ва унинг кабинети ҳукуматнинг янги раҳбари тайинлангунга қадар Париждаги Олимпия ўйинлари давомида ўз лавозимларида қолиши хабар берилганди.
- Мишель Барне1951 йил 9 январда Ла Тронш шаҳрида туғилган. Париждаги Олий тижорат мактабини тамомлаган.
- У 1978 йилда Депутатлар палатасига сайланган ва 1993 йилгача фаолият юритган.
- 2004 йил 31 мартдан 2005 йил 5- июнгача Франция ташқи ишлар вазири бўлиб ишлаган. 2010 йил 9 февралдан ички савдо бўйича Европа комиссари.
Изоҳ (0)