Германиядан турли жиноятлари учун депортация қилинган Афғонистон фуқаролари Кобул яқинидаги Пули-Чархи қамоқхонасида сақланмоқда, дея хабар берди Bild.
-N2sVn7Y6.jpg)
Улар Афғонистондаги энг йирик қамоқхонада қанча муддат қолиши ҳозирча аниқ эмас.
2021 йил август ойида “Толибон” ҳокимият тепасига келишидан олдин ҳам Пули-Чархи қамоқхонаси маҳбуслар билан тўлиб-тошган, ахлоқ тузатиш муассасасида зўравонлик, қийноқлар ва даҳшатли антисанитария ҳолатлари ҳақида хабарлар тарқалганди. “Толибон” ҳокимиятга келганидан кейин вазият янада оғирлашган.
“ ‘Толибон’ маҳбусларни озиқ-овқат билан таъминлай олмагани учун, бир муддат Халқаро Қизил Хоч жамияти уларни озиқ-овқат билан таъминлаган. Кейинчалик бу амалиёт тўхтатилган. Бугунги кунда маҳбусларга қотган нон, чириган сабзавотлар ва сув берилиши маълум бўлди”, дея таъкидлайди нашр.
Ҳожатхоналарнинг етишмаслиги туфайли кўплаб маҳбуслар челаклардан фойдаланишга мажбур. Бундан ташқари, қамоқхона, BBC таъкидлаганидек, сувараклар билан тўла.
Жиноятчиларни Афғонистонга депортация қилиш учун масъул бўлган Германия Ички ишлар вазирлиги маҳбусларни сақлаш шароитларига изоҳ бермаган.
Изоҳ (0)