АҚШнинг собиқ президенти Дональд Трамп махсус прокурор Жек Смит тақдим этган янгиланган айблов хулосасида ўз айбини тан олмади.
DPA нашрининг аниқлик киритишича, Трамп айблов эълон қилинганда иштирок этиш ҳуқуқидан ҳам воз кечган. Бунинг ўрнига, адвокатлар республикачининг айбсизлигини унинг номидан даъво қилишлари керак. AFPъга кўра, эълон қилиш 5 сентябрь куни бўлиб ўтади.
Аввалроқ махсус прокурор 2020 йилги президентлик сайловларини сохталаштиришга уриниш бўйича айблов хулосасини Вашингтон Олий суди Трампнинг жиноий жавобгарликка тортилишдан қисман дахлсизлиги ҳақида қарор чиқарганидан кейин таҳрир қилган эди.
Гап собиқ президентнинг конституциявий ваколатлари доирасида қилган ҳаракатлари учун жиноий жавобгарликка тортилишдан ҳимояланиш ҳақида бормоқда. Бироқ, Трамп шахсий фуқаро сифатидаги ҳаракатларига оид суд жараёнларида иммунитетга эга эмас. Жиноят кодексининг Трампга айблов қўяётган моддалари ўзгаришсиз қолмоқда. Таҳрирланган версияда унинг пойгадаги номзод сифатидаги фаолиятига эътибор қаратилган.
Агар у Оқ уйга қайтса, АҚШ Адлия вазирлигига айбловларга чек қўйиш бўйича кўрсатма бериши мумкин, деб ёзади AFP.
АҚШда президентлик сайловлари жорий йилнинг 5 ноябрь куни бўлиб ўтади. Оқ уй раҳбари Жо Байден 21 июль куни президентлик пойгасидан чиқишини эълон қилган ва вице-президент Камала Ҳаррис номзодини қўллаб-қувватлашини айтган. Трамп ва унинг демократ рақиби Ҳаррис ўртасидаги теледебат 10 сентябрь куни ABC News телеканалида бўлиб ўтиши кутилмоқда.
Изоҳ (0)