Қирғизистондаги “Керемет Банк” Россия банклари орқали пул ўтказмаларини тўхтатган молиявий муассасалар рўйхатига қўшилди. Бу ҳақда банк расмий веб-сайтида маълум қилинди.
Ушбу қарор “Сбербанк”, “МТС Банк” ва Tinkoff каби йирик молия институтларига тегишли. Тўхтатиш ҳар икки йўналишда амал қилади ва номаълум муддатга жорий этилган. Ушбу чекловларга қарамай, “Керемет Банк” мижозлари аввалгидек халқаро пул ўтказмалари тизимларидан фойдаланиши мумкин. Мавжуд вариантлар орасида “Золотая Корона”, Western Union ва “Юнистрим” каби машҳур хизматлар мавжуд.
“МБанк” ҳам худди шундай чораларни кўриб, Россия банклари орқали пул ўтказмаларини тўхтатган.
“Хизмат номаълум муддатга вақтинча мавжуд эмас”, деб изоҳ берди банк вакиллари.
“МБанк” маълум қилишича, кирувчи пул ўтказмалари санкцияга тушмайдиган банклар орқали рубль реквизитларидан фойдаланган ҳолда амалга оширилади. Бундан олдин Қирғизистон банклари SWIFT ўтказмалари учун шошилинч равишда муқобил ҳамкорларни излашни бошлаганди. Қирғизистон Миллий банки эса банклардан OFAC, Европа Иттифоқи ва Буюк Британиянинг санкциялар рўйхатига киритилган шахслар билан бизнес алоқаларини тўхтатишни талаб қилмоқда.
Изоҳ (0)