Ўтказилаётган маданий тадбирлар камайтирилади. Бу ҳақда 16 август куни АОКАда ўтказилган матбуот анжуманида маданият вазири Озодбек Назарбеков маълум қилди.
Озодбек Назарбекнинг айтишича, ҳақиқатан ҳам охирги йилларда маданий тадбирлар кўпайиб кетган ва буни вазирлик ҳам эътироф этади.
Тадбирларни оптималлаштириш бўйича режалар олдик. Бошида туризм салоҳиятини ошириш учун ҳам жуда кўп тадбирлар бўлиши керак деган дастур асосида тадбирларни кўпайтирдик. Лекин эндиликда мана шуларнинг орасидан қайси бири бизни ислоҳотларимизга хизмат қилаётган бўлса олиб қолиб, қайси бири ҳеч нарса бермаётган бўлса, бирлаштириш ёки камайтириш устида ишлаяпмиз. Бу келгуси йилдан тартибга тушади, деди Озодбек Назарбеков.
Вазирнинг қўшимча қилишича, энг натижадор ёки халқнинг этнографик санъатига алоқадор бўлган барча фестивал ва тадбирлар сақлаб қолинади.
Аввалроқ Озодбек Назарбеков “Овоз” лойиҳаси атрофидаги бўлаётган эътирозларга ва хонандаларнинг тўйга чиқиш нархлари бўйича изоҳ берганди.
Изоҳ (0)